Asfugel s wass agraɣlan n tutlayt tayemmat di Tamanɣast, ussan n 21 d 22 furar

Asqamu Unnig n Timmuzɣa ad yesfugel s wass agraɣlan n tutlayt tayemmat s yiwen wahil ara d-yeḍṛun deg uxxam n yidles n Tamanɣast ussan n 21 d 22 furar 2018 s yibeddi n Weɣlif n tnazent, tiliywalin, tiknussniwin d wumḍin (MPTTN) akked Wanra aɣelnaw n yizerfan n umeskar (ONDA).

Asentel n usfugel n useggas-a d « Aḥraz n ubrar atlayan deg umaḍal d usfari n tegtutlayt i usebded n yiswiyen n tneflit timezgit ». Ahil yebḍa ɣef krad yiḥricen :

Aḥric I : Snat n temliliyin, s tlewqamt : « Tamaziɣt : addaden akked tantaliwin » akked « Iẓuran yezdin tantaliwin n tmaziɣt ».

Aḥric II : Isikwan i usali n « Ammud n yiḍrisen iseklanen s tamahaq » akked « Iḍrisen i uselmed n tamahaq ».

Aḥric III : Tafugla n usunẓu « Ass amenzu n tamber anazan ilmend n wass agraɣlan n tutlayt tayemmat ».

Amayet : MOBILIS

Ahil n warmud-a s tlata tutlayin, taɛrabt, tamaziɣt d tefṛansist.