APS – Asallel n usemres n tmaziɣt deg ttawilat isliẓranen, d asentel n umyiger gar Usqamu unnig n timmuzɣa akked Udabu n uglugen asliẓran

LEZZAYER  TAMANEƔT – Iga Usqamu Unnig i Timmuzɣa akked Udabu n Uglugen Asliẓran yiwen n umyiger, ass n letniyen deg tiɣremt n Lezzayer, yerzan asallel n usemres n tutlayt tamaziɣt deg ttawilat isliẓranen.

Yenna-d Udabu n Uglugen Asliẓran, deg yiwen n welɣu, dakken yeḍra-d umyiger-a s tihawt n uselway n Udabu, Zouaoui Benhamadi akked yinesɣuma-s akked Umaray amatu n Usqamu Unnig i Timmuzɣa, Si El Hachemi Assad akked yikataren n Usqamu.

Iswi n umyiger-a amezwaru gar snat tsuda, d anadi akked umyar ɣef wamek ara d-yili usallel n usemres n tutlayt tamaziɣt deg ttawilat isliẓranen.

I lmend n tegnit-a, yesissen-d Mass Assad ‘’agmuḍ ummid n usnefli i la d-iḍerru deg usemres n tutlayt tamaziɣt, s yisem-is d tutlayt taɣelnawt tunṣibt, deg tsuda n Uwanek akked tillunin n uskasi deg tmurt-nneɣ akked tmetti, rnu daɣen deg ttawilat isliẓranen.

Seg yidis nniḍen, yettwali Mass Benhamadi dakken amyiger-a ‘’d abrid amaynut n usidmi akked umciwer deg wayen yerzan asemres n tutlayt Tamaziɣt deg ttawilat isliẓranen iɣelnawen’’, isat ɣef wakken ‘’iswi n unadi-a ihreg-d seg yiman akked tfelsaft n tmenḍawt dɣa amagrad-is wis kuẓ i d-yeqqaren dakken Tamaziɣt d tutlayt taɣelnawt tunṣibt, ad tt-yesmel ad yernu ad tt-yessetrer Uwanek s tentaliwin-is ssemrasen deg wakal akk n tmurt, simi ara d-tewǧed Tkadimit n tutlayt Tamaziɣt i d-yersen deg tmenḍawt’’.

Isegra-d Mass Benhamadi dakken Adabu n Uglugen Asliẓran ‘’ad tefk rray-is, sya d afella, ɣef ubrid-a n unadi akked umciwer, i yiɣermanen akked yimsaduren’’.