APS – Alɣu n Usqamu unnig n timmuzɣa i lmend n umulli wis sin n usenṣeb n tmaziɣt

Yessuffeɣ-d Usqamu unnig n timmuzɣa alɣu s yiles n Umaray-is amatu, Mass Si El Hachemi Assad. Alɣu, yewwi-d ɣef ineḍruyen imaynuten i d-yeḥlellin taggara-ya, ladɣa asenṣeb n tutlayt tamaziɣt di tmendawt n tmurt.

S usenṣeb n tmaziɣt, agdud azzayri, akken ma yella, iger irebbi i tutlayt n lejdud-is s wudem-is aɣelnaw unṣib. Ass-a, tuqqel tmaziɣt d tagwest nniḍen wuɣur ṭṭfen rrbug d yicuddan n tdukkli taɣelnawt, ɣef wakken t-id-yenna ass n ttlata umaray amatu n Usqamu.

« Awwaḍ ukala amsunẓan d-yessuqqel ɣer wennar uberreḥ s wudem unṣib deg tmendawt tamaynut, ɣer tama n tgejda tiɣelnawin yellan d tinneslemt yakk d tutlayt taɛrabt, yeqqen akken iwata agdud azzayri akkit ɣer tutlayt-is deg wakud ideg tamurt n Lezzayer terfed ṛṛay n usfari d usnefli n tutlayt tamaziɣt, am wakken d-yers deg weḍris wis 4 n tezwart n Tmendawt akked umagrad-is wis 4 »
Ass- yeḍḥa-d 6 fuṛar n yal aseggas « d amnir amedru yessulin tamaziɣt ɣer tqacuct n tikliwin iteddun ɣer zdat deg unnar aserti n tmurt nneɣ » ladɣa s tinwit yennulen Tamendawt n 2016 irefden azal n tmaziɣt yeqqlen, seg yimir-n d tutlayt taɣelnawt tunṣibt asmi tt-yegzem di ṛṛay uselway n tagduda s usbeddi n Tkadimit tazzayrit n tutlayt tamaziɣt.

Alɣu yewwi-d daɣen ɣef utikki n Usqamu Unnig n Timmuzɣa deg terbaɛt n umahil yettusbedden sɣur uneɣlaf amezwaru wumi tettunefk ad d-iheggi azersenfar n usaḍuf ara yellin tawwurt i Tkadimit tazzayrit n tutlayt tamaziɣt. S wannect-a, Asqamu yessenṭa aseggas n 2018 s uɣawas n umahil yefkan aḥric s wazal-is i teywalt, udem d tezwert i leqdic asdawan, tuffɣiwin ɣer unnar, aqqar aɣelnaw d usmayet akked tsudda d tmetti taɣermant.

« Neḍfeṛ ifukal d-yufraren seg usenṣeb tamendawant n tmaziɣt d termit ur necbi tayeḍ yemnennin azal n waram n yiseggasen, Asqamu Unnig n Timmuzɣa yebna ad yeddu deg webrid n leqdic s tallalt d twizi akked Tkatimit tazzayrit n tutlayt tamaziɣt », akka i d-yura deg ulɣu.

Ɣef wakken yiss i d-yegla wawal n HCA « Asqamu yebded i wakken ad issili iṛgimen yettwaddmen ilmendad n iwellihen n uselway n tagduda, Abdelaziz Bouteflika »

Ikemmel ulɣu yenna : « tamuɣli n wass-a i d-yewwi Usqamu d tin yekkaten ad tger gar yifassen n yizzayriyen yiwen wahil n yirmuden ussnanen, idelsanen… »